Откриваме како совршено да подготвите шницли со помош на малку необични намирници – пармезан и моцарела, за подготовка на ова вкусно јадење кое никого нема да остави рамнодушен.

Состојки:

– 500 грaма пилешко филе
– 1 шолја презла
– 1 шолја рендан пармезан
– 2 јајца
– 2 шолји сос од домати
– 1 шолја рендана моцарела

Подготовка:

Месото исечете го на шницли. Во еден сад изматете ги јајцата, а во друг – презлата и пармезанот. „Валкајте“ го месото прво во јајцата, па во смесата со презла и пармезан. Пржете ги на масло додека не поруменат, па ставете ги во огноотпорен сад.

Пилешките филети прелијте ги со сос од домати и посипете со рендана моцарела.

Шницлите печете ги во рерна на 180 степени околу 20 минути или додека сирењето малку не порумени, односно да биде благо запечено.

Пријатно!