Рецептите за ризото се еден од најлесните и највкусните рецепти на светската кујна. Познато по својата кремаста текстура и богат вкус, ова јадење потекнува од северна Италија и е најпознатиот начин на подготовка на ориз во Италија.

Главната состојка на ризото е оризот, а за да го збогатите неговиот вкус можете да додадете различни состојки. Денеска ви донесуваме едноставен и евтин рецепт за ризото со печурки.

Состојки:

– 1 килограм ориз
– 2,5 литри вода
– 500 грама шампињони
– 100 милилитри бело вино
– 1 главица кромид
– сол
– црн бибер
– 2 лажици путер

Подготовка:

Потребното количество на ориз, исчистете го и убаво измијте го.

Во подлабоко тенџере, ставете ја водата да зоврие.

Во тава на оган, ставете малку масло за јадење, а потоа додајте го исчистениот ориз. Пржете неколку минути, а потоа, малку по малку, во оризот додавајте од водата. Варете додека оризот не омекне. Кога оризот ќе биде сварен, тргнете ја тавата од оган и почнете со подготовката на печурките.

Во друга тава на оган, додајте го путерот и почекајте кратко да се растопи. Потоа во него додајте ги сечканите печурки и исечканиот кромид. Пржете ги состојките се додека не испари водата од печурките. Потоа, во садот додајте ги виното и зачините. Оставете ги состојките да се варат неколку минути во виното.

На крај, смесата со печурките, додајте ја во претходно сварениот ориз. Измешајте ги сите состојки и послужете.