„Наан“ е традиционален индиски рамен леб, кој се прави во специјална тандор печка. Ако сакате да го направите дома, а притоа да биде максимално сличен на оригиналниот рецепт, ќе ви го покажеме најлесниот начин да внесете допир на Индија во вашиот дом. Наместо тандор печка, ќе ви послужи голема тава.

Зборот „наан“ доаѓа од персискиот јазик и значи леб. „Наан“ е тенок, рамен леб кој обично се служи со пилешко. „Наан“ е сличен на она што го нарекуваме тенка лепиња или на тортиља.

Состојки:

– 500 гр бело брашно
– 1 ќесичка инстант квасец
– 1 лажичка шеќер
– 6 лажички јогурт
– 2 лажички растопен путер
– 1 лажичка сол
– 250 мл млака вода
– сусам
– растопен путер за премачкување

За премачкување:

– лук по потреба
– магдонос по потреба

Подготовка:

Во сад измешајте брашно и инстант квасец, направете вдлабнатина во средината и во неа по ред додадете шеќер, јогурт, путер и сол. Со вилушка сѐ лесно измешајте, додавајќи млака вода. Кога веќе не можете да мешате со вилушка, почнете да го месите тестото со раце.
Префрлете го на работната плоча и добро измесете го. Правете го ова најмалку 10 минути за глутенот добро да се развие.

Замесеното тесто премачкајте го со малку путер или масло, покријте го со чиста крпа и оставете го на топло да се удвои. Кога тестото ќе се удвои, вратете го на работната плоча. Удри го со тупаница за да издува воздух од него и малку измешајте го.
Тестото поделете го на осум (или дванаесет) делови и секое парче со сукало растегнете го во овална форма со дебелина околу еден сантиметар. Загрејте голема тава за да биде многу врела, а потоа малку намалете го огнот.

Во претходно загреана тава испечете ги подготвените лепчиња. Печете 3-4 минути од едната страна.

Превртете го и печете уште неколку минути и од другата страна. Не печете повеќе од две „наана“ одеднаш. Кога се готови лепчињата, веднаш премачкајте ги со растопен путер и посипете ги со сусам.
До послужувањето, чувајте ги во малку загреана рерна за да не се изладат.