Рецепт за посни ќофтиња со грав и цвекло: Одлична комбинација со шпагети или со пире од компири
Посните ќофтиња се совршен ручек без месо и одлично се комбинираат со шпагети или со пире од компири. Главно се подготвуваат од зеленчук, но денеска ви подготвивме малку поинаков рецепт што ќе ви се допадне. Овие посни ќофтиња се подготвуваат со црн грав. Во смесата, покрај другите состојки, влегува и цвеклото.
Препорачано
Состојки:
– 140 г варено цвекло
– 425 г црн грав
– 1/2 шолја презла
– 1/2 шолја сечкани ореви
– 1/4 шолја сечкан кромид
– 2 лажици брашно
– 1 лажица доматен сос
– 1 лажица соја сос
– 1 лажичка мешавина од италијански зачини
– 1 лажичка лук во прав
– 3/4 лажичка слатка чадена пиперка
– 2 лажици сечкан магдонос
– 3/4 лажичка сол
– 900 мл сос од домати
– 1/2 шолји масло
– 6 шолји сварени шпагети
Подготовка:
Цвеклото изрендајте го, а потоа исцедете го вишокот течност. Изблендирајте ги цвеклото, црниот грав, презлата, оревите, кромидот, брашното, доматниот сос, соја сосот, мешавината од италијански зачини, лукот во прав и слатката чадена пиперка. Не блендирајте предолго, смесата со ќофтиња треба да биде зрнеста. Префрлете ја смесата во сад, па додајте сечкан магдонос и сол. Извадете 1 лажица од смесата и формирајте ќофтиња, а потоа направете го истото и со остатокот. Пржете ги ќофтињата во масло додека не поруменат. Префрлете ги на хартиена крпа за да се исцеди вишокот масло.
Загрејте го доматниот сос во големо тенџере на средна топлина. Кога сосот ќе зоврие, додајте ги ќофтињата и оставете ги покриени да се динстаат околу 5-7 минути. По желба посипете малку сечкан магдонос и послужете ги ќофтињата со шпагетите.
