Рецепт за посна туна салата со макарони и зеленчук
Свежите салати се неизбежен дел од секој главен оброк, но со додавање неколку состојки, може да ги претворите во главен оброк. Ако постите, можете слободно да уживате во оваа салата што се подготвува многу лесно. Хранлива фузија на омега-3 масни киселини, витамини и минерали која резултира со бројни здравствени придобивки, богатство на протеини, кулинарски деликатес кој ги разгалува сетилата.
Препорачано
Состојки:
– 200 г туна
– 200 г посни макарони
– 150 г посен мајонез
– 1 лажичка сенф
– 150 г пченка шеќерец
– 200 г карфиол
– 1 свежа црвена пиперка
– 1 црвен кромид
– 2 лажици сусам
– 2 лажици семки од сончоглед
Подготовка:
Сварете ги тестенините и обарете го карфиолот.
Сусамот и семките од сончоглед ставете ги во тава и печете ги додека да поруменат, а потоа оставете ги да се изладат.
Во сварените тестенини додајте ги сите останати состојки: исечканите пиперки и кромидот, мајонезот, сенфот, пченката, карфиолот, сусамот, семките од сончоглед и на крајот додајте ја туната откако претходно ќе ја исцедите од маслото. Измешајте ги сите состојките.
Сервирајте во длабок сад.
Добар апетит!
