Посната паштета е одлична на препечен леб, лепињи или како намаз за стапчиња од зеленчук. Многу брзо и лесно се подготвува, а во нејзиниот вкус ќе уживате со денови.

Состојки:

– 1 конзерва (околу 400 грaма) леблебија, исцедена и измиена
– 2 чешниња лук
– 2 лажици маслиново масло
– сок од половина лимон
– сол и бибер по вкус
– 1/2 лажичка мелена црвена пиперка (може да користите и лута ако сакате)
– свеж магдонос или мирудија по вкус

Подготовка:

Наутот односно леблебија, лукот, маслиновото масло и сокот од лимон ставете ги во блендер или иситнете ги со рачен блендер. Блендирајте додека не добиете мазна паштета. Ако е премногу густа, можете да додадете малку вода или масло за да ја добиете саканата конзистентност.
Додајте сол, бибер и пиперка, па повторно кратко измешајте.
Паштетата ставете ја во сад и украсете ја со сечкан магдонос или мирудија.