Овие вкусни полнети и похувани плескавици од палента ќе ги обожава целото семејство, од децата до бабите и дедовците. Сè е готово за 15 минути, а можете да ги јадете за кој било оброк во текот на денот.

Еве како да направите похувана палента со шунка и сирење, подготвена за 15 минути.

Состојки:

– 150 грама палента
– 400 мл вода
– половина лажичка сол
– 100 грама шунка
– 100 грама кашкавал

За похување:

– 3 јајца
– 10 лажици брашно
– 100 мл масло

За сосот:

– 1 чаша грчки јогурт
– 1 лажичка сенф
– малку сечкан магдонос

Подготовка:

Ставете тенџере со вода, малку масло и сол да проврие. Кога е блиску до вриење, сипете ја палентата и мешајте. По 2 минути палентата е готова. Смесата треба да ви биде малку погуста за полесно да можете да ги обликувате плескавиците.
Палентата сипете ја сад, кој сте го обложиле со хартија за печење. Растенчете ја и оставете ја да се излади. Кога ќе биде доволно топло за да можете да ја земете во рака, време е за правање на плескавиците. Одвојувајте ги парчињата палента, па на средина ставете парче шунка и кашкавал и затворете така што не може да истече надвор додека се пржи.

Шунката и кашкавалот исечкан на коцки ставете го во средината на секоја плескавица.

Во посебна чинија изматете 2 јајца, посолете. Подгответе и 10 лажици брашно. Секоја плескавица извалкајте ја во јајца, па во брашно, во јајца, па во брашно и спуштајте ги во тавата каде што претходно сте го загреале маслото.

Плескавиците пржете ги од двете страни по малку додека не добијат убава жолта боја. Потоа, готовите плескавици наредете ги на салфетка за да се исцеди вишокот маснотии.

Во помал сад измешајте грчки јогурт, сенф и магдонос. Палентата послужете ја со овој сос. Пријатно!