Кога не сакате да поминете ни минута покрај шпорет, а обожавате ќофтиња од мелено месо, овој рецепт е идеален за вас. Ќофтињата одлично се комбинираат со сите прилози, а можете да ги јадете и само со свежа салата. Бонусот е што овие се печат практично сами – во рерна!

Состојки:

– 125 грама рикота
– 50 грама рендан пармезан
– 2 лажички сол
– 1 лажичка свежо мелен црн пипер
– 1 големо јајце
– 50 грама лебни трошки
– 450 грама мелено месо (свинско)

Подготовка:

Загрејте ја рерната на 220 степени. Во поголем сад измешајте ги сите состојки, а потоа со рацете нежно измесете ја смесата од ќофтиња. Месете додека состојките убаво не се соединат, но внимавајте да се задржи текстурата и да не се претвори во „каша“.
Од смесата формирајте 12 ќофтиња, приближно со еднаква големина. Обликуваните ќофтиња наредете ги на подмачкан плех. Печете ги околу 15 минути или додека не попримат златно-кафеава боја. Послужете ги топли со салата.