Кога надвор температурите се високи, силната храна повеќе не ни годи, па повеќе се свртуваме кон лесните јадења. Тогаш на ред доаѓаат салатите, а сè попопуларни стануваат оние што го заменуваат оброкот.

Денеска ви предлагаме рецепт за освежителна зелена салата со јогурт.

Салатата од зелка е одличен прилог со месо, а за подобар вкус предлагаме да ѝ додадете јогурт и дополнително видови зеленчук.

Состојки:

– 1/2 зелка
– 1 краставица
– 1 лажичка сол
– 1 пиперка
– 1 кромид
– 1 лажичка шеќер
– 1 китка млад кромид
– 3 лажици јогурт
– 1 лажичка сушени домати
– 1 лажичка сенф
– 1 лажица оцет
– 2 чешниња лук

Подготовка:

Во тава со малку масло пропржете ја сечканата пиперка додека да омекне. Потоа додајте го кромидот исечкан на ленти, како и шеќерот. Пржете додека не омекне.
Зелката исечкајте ја на ленти, а краставицата на кругови. Посолете ја краставицата и оставете ја да отстои 10 минути.

Во сад измешајте ја зелката, процедената краставица, па додајте бибер и кромид. Потоа исечкајте го младиот кромид и додајте го во салатата.

Во сад измешајте ги јогуртот, мелените сушени домати, сенфот, оцетот и мелениот лук. Прелијте ја салатата и убаво измешајте.