Рецепт за крцкави ролни со вкусен фил од чоколадо, бисквити и ореви. Можат да стојат долго и се супер цврсти, така што нема многу да омекнат, дури и на собна температура.

Состојки:

– 2 кори обланда
– 100 грама шеќер
– 150 грама чоколадо
– 150 грама путер или маргарин
– 1 лажица рум (но, и не мора)
– 100 мл млеко
– 3 лажици мелени ореви
– 2 лажици мелени бисквити наполнети до врвот

Дополнително за декорација:

– 50 грама чоколадо
– 1 лажица масло

Подготовка:

Навлажнете чиста крпа и завиткајте ги корите обланда. Оставете ги така околу половина час за да омекнат.

Дури кога обландите ќе омекнат, започнете да го подготвувате филот.

Сите состојки, освен бисквитите и оревите, ставете ги во тенџере на оган и мешајте додека да се растопат. Измешајте ги и бисквитите и оревите и филувајте ги обландите. Исечете ја секоја обланда по должина на три еднакви делови, завиткајте ја и оставете ја да отстои еден час во фрижидер. Исечете, украсете и уживајте во одличниот вкус.

Совет: Повкусни се доколку ги јадете следниот ден.