Ако уживате во појадокот којшто подразбира тенок слој маргарин и домашен џем, а сте свесни дека купувањето на маргарин и не е сосема најдобар избор, особено не за најмладите, тогаш ова е вистинскиот рецепт за вас.

Состојки:

– ½ шолја млеко или вода
– 1 шолја масло
– 1 мала лажичка течен лецитин или една жолчка
– 1 мала лажичка сок од лимон
– ½ мала лажичка сол

Приготвување:

Загрејте ја водата, односно млекото на околу 40 Целзиусови степени. Изладете го садот во замрзнувач така што да биде ледено студен. Во него додадете го маслото во коешто претходно сте го растопиле лецитинот или жолчката, а потоа на највисока брзина изматете со миксер.

Постепено додавајте го млекото и матете уште отприлика две минути.

Кога млекото и лецитинот, односно жолчката, потполно ќе се соединат, додадете го лимоновиот сок и матете сè додека маргаринот да се згусне. По желба може да додадете уште некој зачин, на пример, луто пиперче, цимет, мед, шеќер, лук…