Рецепт за мафини со круши: Есенски десерт кој е како создаден за убаво дружење со пријателите
Мафини со круши – сигурно за сите вас ова е сосема нов рецепт, но со оглед на тоа дека сега е сезоната на ова сочно зелено-жолто овошје, вреди да го пробате. И нема да зажалите! Ќе уживате во сочниот вкус на сласните мафини со круши.
Препорачано
Состојки:
– 250 грама брашно
– 2 лажички цимет
– 2 лажички прашок за печиво
– половина лажичка сода бикарбона
– половина лажичка сол
– 2 јајца
– 170 грама мед
– 100 грама кокосово масло, стопено и изладено
– 160 мл јогурт
– 2 лажички екстракт од ванила
– 350 грама круши исечкани на коцки
Подготовка:
Загрејте ја рерната на 220 степени. Калапот за мафини намачкајте го или обложете го со хартија за печење. Во сад измешајте брашно, цимет, прашок за печиво, сода бикарбона и сол.
Исечкајте ги крушите и додадете ги во сувите состојки и измешајте. Посебно измешајте ги јајцата, медот, кокосовото масло, јогуртот и ванилата. Измешајте ги двете смеси и мешајте додека смесата не стане компактна. Распоредете ја смесата рамномерно во калапите.
Мафините печете ги 5 минути, во рерна загреана на 220 степени, па намалете на 180 и печете уште 10 минути. Користете чепкалка за да проверите дали се готови. Извадете ги од рерна и оставете ги во калапот уште 10 минути.
Пријатно!
