Ледените кифлички се совршен деликатес за топлите денови, а се подготвуваат многу едноставно. Тие стануваат помеки и поубави колку подолго стојат, па можете да уживате во нив долго време, ако не ги изедете истиот ден!
Вкусот на овие кифлички неодоливо потсетува на ванилици.

Состојки:

– 250 грама маст
– 4 лажици шеќер
– 1 јајце
– 150 грама топло млеко
– 1 ќесичка сув квасец
– 500 грама брашно
– рендана кора од лимон
– 1 ванилин шеќер

За полнење:

– џем од капини или некој друг по ваш избор
– шеќер во прав

Подготовка:

Изматете ја маста, јајцето и шеќерот, па во тоа додајте ги млекото, брашното и другите состојки. Соединете го и изматете го тестото, па ставете го во фрижидер на 3-4 часа. Тестото премесете го и поделете го на 5 дела.
Секој дел развлечете го во круг и поделете го на 8 дела. На секој дел ставете малку џем, завиткајте ги кифличките и ставете ги на плех, па потоа во загреана рерна на 180 степени некои 20-ина минути.
Кифлите треба да останат светли. Наросете ги со шеќер во прав и послужете.
Овие ледени кифлички ќе ве воодушеват, бидејќи колку подолго стојат, толку се помеки и повкусни.