Фокача (focaccia) е традиционален италијански рамен леб, кој се подготвува во рерна. Најчесто се зачинува со маслиново масло, сол, понекогаш ароматични билки, а за декорација се користи кромид, сирење и месо. Овој вид леб се користи за приготвување на многу видови јадења како основа за пица, сендвичи итн.

Замесете ја оваа брза погача и не мора наутро да купувате свеж леб.

Состојки:

– 450 грама брашно

– 200 мл млака вода

– малку маслиново масло

– сол, шеќер

– 20 грама квасец

Фил:

– 1 главица кромид

– 4 чешниња лук

– 4-5 кисели краставички или маслинки

– 1 домат

– оригано

– 2 гранчиња рузмарин

Подготовка:

Со млаката вода, квасецот, маслото, шеќерот и солта замесете меко тесто. Оставете го да нарасне, со сукало истенчете го до дебелина од 2 сантиметри, па ставете го вопретходно со со масло подмачкан плех. Оставете го 20 минути повторно да одмори.

Тестото премачкајте го со маслиново масло со помош на четка, па филот од зеленчук распоредете го по желба врз тестото. Посипете со оригано, рузмарин и крупна сол и печете на 200 степени околу 40 минути.