Искористете ги благите и сочни зрна на грозјето и направете превкусен есенски домашен колач. Едноставен е за подготовка, ароматичен и полн со вкусови.

Користете иста шолја за мерките.

Состојки:

– 1 шолја шеќер
– две и пол шолји брашно
– 1 прашок за печиво
– 500 грама зрна грозје без семки
– половина шолја масло (и уште една лажица)
– 4 јајца
– 180 мл јогурт

Подготовка:

Измешајте ги сувите состојки, па додавајте ги маслото, јајцата и јогуртот постепено. Мешајте со жица за тесто.
Загрејте ја рерната на 180 степени. Ставете хартија за печење која сте ја намастиле со лажица масло. Излејте го тестото и одозгора наредете ги зрната грозје. Печете околу 40 минути.

Посипете со шеќер во прав.