Доколку сте на кето диета или само сакате да направите малку поздрави, брзи лепињи, тогаш наш предлог е токму овој рецепт.

Овие лепињи се направени од само 3 состојки и се печат само 20 минути. Меки се како облак, а идеални се и како оброк и како прилог со јадење. Ако немате свеж леб, а ве мрзи да одите во продавница, тогаш направете ги овие брзи лепињи.

Состојки:

– 3 јајца

– 3 лажици крем-сирење (можете да користите грчки јогурт)

– 1/4 лажичка прашок за печиво

Подготовка:

Одделете ги белките и жолчките. Изматете ги белките со прашокот за печиво додека не се стегнат, а жолчките изматете ги со крем-сирењето или со јогуртот. Измешајте ги двете смеси, па потоа нежно измешајте да се соединат состојките. Со лажица вадете од смесата и сипете во облик на кругови на плех обложен со хартија за печење.

Лепињите печете ги во загреана рерна на 150 степени околу 20 минути.