Никој не може да одолее на чоколаден куглоф со додаток на кафе, а може да се јаде и како десерт со кафе. Децата ќе сакаат веднаш да ги потопат прстите во овој деликатес!

Чоколадниот куглоф кој се прави со малку кафе е ѕвезда на сите десерти. Дали воопшто има потреба да спомнеме колку е вкусен?!

За чоколадниот куглоф потребни ви се овие состојки:

Состојки:
За тортата:

– ½ шолја кафе (која било температура е во ред)
– 120 грама полуслатко чоколадо, грубо исечкано
– 1 шолја матеница
– 4 големи јајца
– 2 лажички екстракт од ванила
– 3 шолји брашно, сипено во мерна шолја и израмнето
– ½ шолја природен какао во прав
– 2/½ шолји кристал шеќер
– 1 лажичка сол
– 1 лажичка прашок за печиво
– ½ лажичка сода-бикарбона
– 1 шолја несолен путер, омекнат

За сирупот за потопување:

– 5 супени лажици несолен путер
– ¾ шолја кристал шеќер
– ¼ шолја вода
– 2 лажички екстракт од ванила

За чоколадната глазура:

– 2 лажици несолен путер
– 50 грaма чоколадо за готвење, грубо исечкано
– ¾ шолја шеќер во прав
– 2 до 3 лажици врела вода

Подготовка:

Чекор 1

Подгответе ги чоколадото, кафето, путерот и матеницата за колачот

Започнете со правење на чоколадниот куглоф така што ќе ја загреете рерната на 200 степени и ќе ја ставите решетката во рерната во средната положба. Попрскајте го плехот со масло за да не се залепи со брашното. Во мал сад за микробранова печка, измешајте ги кафето и чоколадото и загрејте ги на високо ниво во интервали од 20 секунди, мешајќи помеѓу нив, додека чоколадото речиси целосно не се растопи. Мешајте, оставајќи ја преостанатата топлина во садот да го растопи преостанатото чоколадо, додека смесата не се изедначи. Оставете настрана.

Во средна чинија изматете ги матеницата, јајцата и ванилата. Оставете настрана. (Имајте предвид дека смесата може да почне да изгледа згрутчена додека стои; тоа е во ред.)  Со миксер измешајте ги брашното, какаото во прав, шеќерот, солта, прашокот за печиво и сода-бикарбоната. Матете на мала брзина 30 секунди за да се соедини. Додадете го омекнатиот путер и половина од смесата со матеница и мешајте на мала брзина додека не се навлажни, но сепак малку да биде ронливо, околу 1 минута. Додека миксерот е исклучен, постепено додајте ја преостанатата смеса со матеница додека не се соедини, потоа зголемете ја брзината на средно и мешајте 3 минути, со прекини за да ги изгребете страните и дното на садот со гумена шпатула. Тестото треба да изгледа кремасто. Повторно изгребете ги страните и дното на садот, внимавајќи тестото да биде рамномерно измешано. Додадете ја смесата од чоколадо/кафе и мешајте на мала брзина додека не се изедначи. Тестото префрлете го во подготвениот сад за куглоф и со шпатула измазнете го одозгора. Печете 70 до 75 минути.

Чекор 2

Сирупот за потопување подгответе го додека колачот се пече

Додека се пече чоколадниот куглоф, направете го сирупот за потопување: во мало тенџере измешајте ги путерот, шеќерот, водата и есктрактот од ванила. Оставете да зоврие, а потоа намалете ја топлината и варете додека не се раствори шеќерот, околу 1 минута. Ставете го калапот за куглофот на решетка за ладење. Со помош на ражен или чепкалка за заби, направете околу 40 дупки на дното на сè уште топлата торта, околу три четвртини надолу. Со лажица или со четка рамномерно распоредете половина од сирупот на дното на колачот. Ако сирупот почне да се собира на површината, направете повеќе дупки за да му помогнете да се впие. Оставете го колачот на решетката да се излади 30 минути. Свртете го куглофот на чинија за сервирање. Преостанатиот сируп распоредете го рамномерно на врвот и на страните на куглофот, оставајќи го да впие. Оставете го куглофот целосно да се излади, барем неколку часа.