Рецепт за чоколаден чизкејк: Брза подготовка и без печење
Овој вкусен чоколаден чизкејк ќе ве остави без зборови. Брзо се подготвува и не се пече.
Препорачано
Состојки
За подлогата
150 гр мелени бисквити
100 мл млеко
100 гр путер или масло
100 гр шеќер
100 гр чоколадо за готвење
За кремот
400 мл слатка павлака
300 гр крем сирење
200 гр млечно чоколадо
130 гр шеќер во прав
За преливот
150 гр чоколадо за готвење
150 мл слатка павлака
Подготовка
Измешајте ги состојките за основата за колачот (бисквитите, млекото, растопениот путер и чоколадото и шеќерот) додека не добиете леплива, но компактна смеса. Притиснете ја подлогата правилно во тава од 26 сантиметри и ставете ја во фрижидер да се зацврсти. Изматете ја слатката павалака, штом се зацврсти престанете да мешате. Во посебен сад измешајте ги крем сирењето и шеќерот во прав. Растопеното чоколадо за готвење додадете го во крем сирењето, а потоа со жица за матење постепено измешајте ги сите состојки. Намачкајте го кремот врз основата на колачот и вратете го во фрижидер.
Направете го преливот за колачот со тоа што ќе ја загреете слатката павлака во тенџере на средна температура. Кога смесата ќе зоврие, додадете го сечканото чоколадо за готвење. Мешајте додека целосно се растопи чоколадото. Оставете го преливот малку да се излади пред да го прелиете врз колачот.
Чоколадниот чизкејк ставете го во фрижидер да се стегне неколку часа, по можност преку ноќ.
Добар апетит!
