Ако сакате бело чоколадо, мора да ви се допаднат овие вкусни мафини! Благиот вкус на чискејк со растопено бело чоколадо гарантира совршена комбинација за сите гурмани.

Секако, нивната предност е што се подготвуваат брзо и лесно. Обидете се!

Состојки:

– 150 грама мелени бисквити
– 60 грама путер
– 400 мл слатка павлака
– 350 грама крем-сирење
– 100 грама шеќер
– 100 грама растопено и малку изладено бело чоколадо

По избор:

– повеќе бело чоколадо за прелив и коцки бело чоколадо за декорација

Количината е доволна за 9 мафини!

Подготовка:

Измешајте ги мелените бисквити и растопениот путер. Сипете како подлога за мафини во корпите (кои ги ставивте во калапот за мафини).
Изматете ја слатката павлака. Во посебен сад изматете го крем-сирењето со шеќерот, а потоа додадете го растопеното бело чоколадо. Полека додајте ја слатката павлака (внимавајте сè да не се измеша за да ви остане за декорација) и соединете. Прелијте со база од бисквити.
Оставете во замрзнувач 20 минути или во фрижидер додека целосно да се стегне. Преостанатата слатка павлака сипете ја во шприц и украсете ги мафините. Додајте растопено бело чоколадо или коцки бело чоколадо по желба.