Рецепт за брза торта за Денот на вљубените: Љубовен десерт
Доколку сè уште не знаете како да го изненадите вашиот сакан или сакана за Денот на вљубените, ви носиме одличен предлог!
Препорачано
Состојки:
– 8 јајца
– 11 лажици брашно
– 1 прашок за печиво
– 1 ванилен шеќер
– 1 дл млеко
– 0,5 дл масло
– рендана кора од портокал
За фил:
– 2 пудинга од јагода
– 1 дл млеко за матење на пудингот
– 500 мл млеко за варење на пудингот
– половина маргарин
– шлаг
– по желба и 1 лажица екстракт од јагоди
Подготовка:
Направете бисквит за тортата, така што ќе ги изматите жолчките и шеќерот, потоа додајте ги маслото и млекото, добро соединете, па додајте ги брашното, прашокот за печиво, ванилниот шеќер и ренданата кора од портокал. Кога смесата ќе се соедини, додајте ги изматените белки.
Кората печете ја 20 минути на 200 степени во калап во облик на срце.
Кога кората ќе се испече, пресечете ја така што ќе добиете две кори.
Изматете ги двата пудинга од јагода и варете во половина литар млеко. Кога ќе се излади, додадете половина маргарин и исфилувајте ја тортата. Изматете го шлагот, во кој може да додадете екстракт од јагода за да добиете црвена боја.
Тортата можете да ја украсите и со цели јагоди или малини, или само со шлаг, како што вам најмногу ви се допаѓа.
