Кога немате време да подготвите појадок, а дома имате основни намирници како леб, салата и сувомесни производи, тоа значи само едно – брускети!

Кога ќе измешате крем-сирење, пршута и домати, настанува вистинска рапсодија на вкусови во која ќе ужива цело семејство.

Состојки:

– 1 багет или стар леб
– 1 домат
– ½ краставица
– 350 г пршута
– сушен домат
– крем-сирење
– зачини по вкус
– зачински билки за декорација
– балсамико

Подготовка:

Багетот исечете го на кришки, па наредете ги во плех кој претходно сте го обложиле со хартија за печење. Печете 10 минути на 180 степени.

Кога ќе бидат готови, лепчињата извадете ги од плехот, па премачкајте ги со крем-сирење.

Потоа на секоје парче леб ставете по две ливчиња пршута, ситно исечкан свеж и сушен домат.

Краставицата исечкајте ја на кругови, па наредете ја врз пршутата и доматите. Сè посипете со малку оцет балсамико.

Врз брускетите посипете ги вашите омилени зачини и додадете зачински билки, на пример, рукола.

Уживајте во секој залак.