Рецепт на Викторија Спенџарска Стин: Чоколаден мус од само 4 состојки
Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот.
Препорачано
-
1
-
2
-
3
Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да рекреирате некој од нејзините здрави рецепти.
Викторија Спенџарска Стин ни подготви енергетски топчиња со брусница и бадеми
Денес Викторија споделува рецепт за чоколаден мус од само 4 состојки.
„Тофуто е популарно по тоа што има многу неутрален вкус па лесно се вклопува и во солени и благи рецепти. За овој рецепт ќе ви требаат само неколку состојки и 5 минути да го направите и половина час вo фрижидер да се олади“, вели таа.
Потребни состојки:
– 1 блок тофу
– 2 лажици какао
– 3 лажици јаворов сируп или друг засладувач
– 2 лажици путер од бадеми
– овошје по желба за декорација
Подготовка:
Ставете ги сите состојки во блендер и блендирајте додека не добиете хомогена смеса. Оставете ја смесата барем половина час да се олади и сервирајте со овошје по желба. На здравје!
