Бојкотот на прес-конференцијата, проследен со одложување на тренинзите и фотосесиите, доведе до информации дека фудбалскиот клуб Реал Мадрид размислува да не го игра финалето на Кралскиот куп против Барселона.

– Реал мадрид размислува да не го игра финалето и сака извинување од судиите – пишува Ел Мундо.

Причината е незадоволството од изборот на судија за финалниот дуел, бидејќи се верува дека Рикардо Бургос Де Бенгоечеа постојано го оштетувал Реал со лоши одлуки.

Оваа информација сè уште не е официјална, па се чека исход. Реал најави дека наскоро ќе излезе со соопштение.

Потсетување дека финалниот меч во Кралскиот куп е закажан за в сабота од 22.00 часот во Севиља.

Претходно Барса упати предупредување дека Реал врши бесрамен притисок врз главниот судија.