Францускиот репрезентативец Карим Бензема сè уште нема потпишано нов договор со Реал Мадрид, важечкиот му истекува на 30 јуни 2023 година, што значи дека за точно еден месец би можел да биде слободен играч.

Шпанските медиуми тврдат дека во „кралскиот“ клуб стравуваат дека Французинот се предомислува и ја разгледува опцијата да си замине уште ова лето.

Според нивните сознанија, клуб од Саудиска Арабија на Бензема му нуди дури 200 милиони евра за две сезони.

Покрај тоа, Бензема ќе добие дополнителни бонуси за авторски права, додека неговите деца ќе имаат соодветно образование, идентично на тоа во Мадрид и дека условите за живот се повеќе од совршени.

Французинот требаше да потпише договор со Мадрид до 2024 година, но бидејќи тоа сè уште не се случило, сега на „Сантијаго Бернабеу“ преовладува сомнежот дека има причини поради кои одолговлекува еден од најдобрите напаѓачи на светот.