Бразилскиот фудбалер Едер Милитао не играше во шампионската сезона на Реал Мадрид поради повреда на вкрстените лигаменти.

Во меѓувреме „кралскиот клуб“ одби и понуда од 100 милиони евра од Саудиска Арабија за услугите на својот играч.

За Реал игра од 2019 година, одигра 156 натпревари, а 26-годишниот дефанзивец има договор со Мадрид до 2028 година.

Милитао ги одигра сите 90 минути во натпреварот од Суперкупот на Европа против Аталанта (2:0) и му помогна на Реал да го освои првиот трофеј во сезоната.

Реал сака да го задржи Бразилеот откако капитенот Начо Фернадес се пресели во Ал Кадасија во Саудиската професионална лига.