Реал Мадрид: Неприфатливи се јавните изјави на судиите, се демонстрира непријателство кон клубот
Финалето на Кралскиот Куп, закажано за в сабота (22.00 часот) во кое Реал Мадрид и Барселона ќе се борат за трофејот, имаше вовед откако главниот судија Рикардо де Бургос Бенгоечеа, како и Пабло Гонзалез Фуертас, судија во ВАР собата, се пожалија дека се под голем притисок од таборот на „кралскиот клуб“.
Препорачано
Како што објави „Марка“, Реал нема да одржи тренинг вечерва, нема да испрати претставници на прес-конференцијата и нема да дојде на традиционалната празнична вечера. Се шпекулира дека Реал ќе бара промена на судиите бидејќи за нив реакцијата на судиите на конференцијата е доказ „дека нема да бидат непристрасни“.
Spanish referee Ricardo de Burgos Bengoetxea cried during a news conference on Friday as he detailed the impact criticism from Real Madrid’s in-house television channel and other outlets has had on him and his family.
De Burgos Bengoetxea became visibly emotional as he described… pic.twitter.com/E6rTB418T4
— The Athletic | Football (@TheAthleticFC) April 25, 2025
Некои шпански медиуми, претежно оние кои се наклонети кон Реал, одат чекор понатаму и објавуваат дека претседателот на мадридскиот клуб Флорентино Перез дури размислува да го повлече тимот од големото финале.
– ФК Реал Мадрид ги смета јавните изјави дадени денес од судиите назначени за финалето на Купот на кралот, кое е закажано за утре, 26 април 2025 година, за неприфатливи.
Овие протести, кои изненадувачки го насочија вниманието кон видеа од медиум заштитен со слобода на изразување, како што е Реал Мадрид ТВ, намерно спроведени 24 часа претходно против еден од учесниците во финалето, уште еднаш ја демонстрираат јасната и манифестна анимозитет и непријателство на овие судии кон Реал Мадрид.
Comunicado Oficial.
— Real Madrid C.F. (@realmadrid) April 25, 2025
Уште поизненадувачки изјави, со заканувачки тон, алудирајќи на единството на судиите, беа искористени за да се објават наводни мерки или дејствија кои се далеку од принципите на праведност, објективност и непристрасност што треба да преовладуваат само неколку часа пред фудбалски настан што го привлекува вниманието на стотици милиони луѓе низ целиот свет.
Со оглед на сериозноста на она што се случи, Реал Мадрид се надева дека оние што се одговорни за RFEF и судиското тело ќе дејствуваат соодветно, усвојувајќи ги потребните мерки за одбрана на престижот на институциите што ги претставуваат – стои во соопштението на Реал Мадрид.
