Основното јавно обвинителство поднесе обвинителен акт против разбојник од Скопје кој на 27 декември лани се обидел да ограби аптека во Скопје. Тој е обвинет за кривично дело разбојништво.

Во обвинителниот акт пишува дека сега обвинетиот влегол во аптека лоцирана на булеварот „Климент Охридски“ во Скопје. И се заканил на вработената дека ќе ја повреди ако не му ги даде парите, па од неа побарал да му го даде дневниот промет. Тој ставил маска на устата и ја откопчал јакната, а едната рака ја ставил во внатрешниот џеб каде што имал нож. Оштетената, исплашена за сопствениот живот, се стрчала кон магацинот, а обвинетиот тргнал кон неа. Во тој момент од магацинот излегол работник од агенцијата за обезбедување и го спречил обвинетиот да го изврши разбојништво.

Откако бил совладан, на помош била повикана полицијата која го уапсила разбојникот. На него судија на претходна постапка му има одредено 30 дена притвор.