Фудбалската федерација на Македонија (ФФМ) информира дека сите билети наменети за македонските навивачи за квалификацискиот натпревар Белгија – Македонија (10 октомври, 20.45 часот) за пласман на Светското првенство во 2026 година се целосно распродадени.

Во изминатите три недели на располагање беа ставени речиси 1.000 билети, кои беа понудени за продажба преку официјалната платформа на ФФМ и се целосно резервирани од нашите поддржувачи.

Упатуваме голема благодарност на навивачите за интересот и поддршката која македонската репрезентација ќе ја има во Гент за мечот против Белгија.

Поради релативно малиот капацитет на стадионот во Гент, нема можност за дополнителна количина на билети.

Овој натпревар е многу важен за нашите најдобри фудбалери кои моментно се на првото место во квалификациската група Ј со 11 бодови, еден повеќе од Белгија и Велс, со напомена дека Белгијците имаат еден меч помалку.