На два дена до реваншот на стадионот „Георги Аспарухов“ помеѓу Левски Софија и Шкупи од второто квалификациско коло во Конференциската лига, навивачите на Левски ги купија сите билети, пренесуваат бугарските медиуми. Натпреварот е во четврток (3 август) од 19.00 часот по македонско време.

Како и минатата година, кога навивачите го преполнија стадионот за мечеви со ПАОК и Хамрун, сега и ентузијазмот кај фановите на Левски огромен. Во претходните сезони клубот или трпеше казна со затворање на сектор, или не учествуваше во европските натпреварувања.

Од денеска влезните билети беа пуштени во слободна продажба, но набрзина беа купени од фановите на „сините“.

„Герена“ ќе биде полна до крај, потсетување дека нема да биде дозволено за овој возвратен дуел да има гостински навивачи.

Левски по првиот меч во Скопје има предност од 2:0 против македонскиот претставник и е поблиску до пласман во следната фаза.