Хрватските навивачи на расна основа ги навредуваа француските кошаркари во Задар, а се огласи и Француската кошаркарска федерација.

Хрватска за прв пат во историјата нема да игра на Европско првенство во кошарка. Поразот од Франција во Задар значеше и крај на надежите за пласман во натпреварувањето.

По тој натпревар, француските кошаркари пријавија дека добиле навреди на расна основа за време на мечот, повеќе пати. Неколку играчи ги пријавија навредите, особено Жоан Макунду и Амин Нуа.

– Макунду беше навредуван неколку пати со извици „е*и се Макунду“ од трибините. Нуа виде и слушна како се имитираат звуци од мајмуни за време на натпреварот. Инцидентот на трибините ескалира уште повеќе кога Макунду се обиде да го пријави тоа на судиите – наведува францускиот весник „Л’Екип“ во написот за тоа.

За сето ова се огласи и Француската кошаркарска федерација:

– По расистичките навреди упатени кон нашите играчи во Задар, ќе испратиме писмо до ФИБА. Ваквото однесување е неприфатливо. Стоиме со нашите играчи и бараме ФИБА веднаш да реагира. Шокирани сме од таквите навреди – се вели во соопштението на федерацијата.

Suite aux insultes racistes dont ont été victimes plusieurs joueurs de l'Équipe de France ce soir à Zadar, lors du match face à la Croatie, la FFBB va adresser dès demain un courrier à la FIBA pour condamner ces actes inacceptables. Elle apporte tout son soutien à ses joueurs,…

— Équipes de France de Basket (@FRABasketball) February 21, 2025