Раперот Нели, позна по хитот „Hot in Here“, е уапсен во средата наутро поради поседување дрога, пишува „Пејџ сикс“. Тој е уапсен во областа Сент Луис во Мисури.

Портпаролот на полицијата даде изјава за „Њујорк пост“ и рече дека го уапсиле Нели надвор од казиното откако извршиле проверка и пронашле неподмирена сметка за непоседување доказ за осигурување од претходен сообраќаен прекин. Проверката на посетителите е стандардна за казината во Мисури во согласност со прописите на државната комисија.

Раперот, чие вистинско име е Корнел Хејнс, потоа беше обвинет за поседување контролирана супстанција, откако полицајците наводно му пронашле четири таблети екстази. Дополнително, тој беше обвинет и за возење без доказ за осигурување, но официјално ќе биде обвинет дури по истрага на државните обвинители.

Адвокатите на Нели зборуваа за ситуацијата и за „Пејџ сикс“ рекоа дека нивниот клиент бил цел на полицаец кој не се однесувал соодветно.

„Откако освои неколку џекпота, на местото коешто г-дин Хејнс го посетува и се забавува, наместо едноставно да го надгледува трансферот на неговите добивки, службеникот се почувствувал принуден непотребно да изврши проверка на налогот. Службеникот го известил г-дин Хејнс дека е потребна проверка кога играчот освоил одредена сума пари, г-дин Хејнс знаел дека тоа не е вистина, бидејќи тој претходно освоил неколку џекпота од сличен или поголем износ, вклучително и еден само една недела пред тоа, без инциденти или верификација“, рекол адвокатот.

Тој исто така додал дека полицаецот без добра причина продолжил да го претресува раперот, а потоа тврдел дека кај Нели нашол екстази. По апсењето, неговата фотографија од затворот се прошири на социјалните мрежи.

Nelly was arrested in Missouri for ecstasy possession. pic.twitter.com/XaU1G8SvaN

— TMZ (@TMZ) August 7, 2024

Ја обновија врската по 10 години: Ашанти и Нели го очекуваат нивното прво дете