Скандал во фудбалот пред Европското првенство, тројца играчи исфрлени од австриската репрезентација за пријателските натпревари против Словачка и Турција.

Причината е хомофобијата и пораките кои се појавија во јавноста пред објавувањето на листата на селекторот Ралф Рангник.

Играчите на Рапид Виена, Гвиро Бургшталер, Никлас Хедл и Марко Граул беа снимени како скандираат одредени хомофобични пораки по дербито против Австрија Виена.

– Нема да толерирам такви работи во ниту еден тим каде што сум селектор. Сè што се залагаме со репрезентацијата е на другата страна и тоа им го кажав на играчите во телефонскиот разговор – рече Рангник.

Тој не ја исклучи можноста тројцата да добијат покана за ЕП. Рангник во својата кариера раководеше со Штутгарт, Хановер, Шалке, Хофенхајм, Лајпциг, Манчестер јунајтед и сега е на клупата на австриската репрезентација.