Фудбалерот на Пари Сен Жермен, Рандал Коло Муани, вториот дел од сезоната ќе го помине на позајмица во Јувентус.

Јувентус му плати на ПСЖ еден милион евра за францускиот напаѓач, со дополнителни трошоци до 2,6 милиони евра, се вели во соопштението на италијанскиот клуб.

Коло Муни дојде во француската екипа од Ајнтрахт во 2023 година, во трансфер вреден 90 милиони евра.

За париските „светци“ оваа сезона постигна два гола на 14 натпревари, додека на претходните осум мечеви беше надвор од составот.

Италијанскиот клуб е моментно петти во Серија А, додека во Лигата на шампионите ја зазема 17. позиција, што значи пласман во осминафиналето на тоа натпреварување.