Рами Малек (43), кој се прослави со улогата на Фреди Меркјури во филмот „Боемска рапсодија“ и Ема Корин, која ја глумеше принцезата Дијана во серијата „Круна“ на Нетфликс, ставија крај на својата двегодишна врска, пишува „Пејџ сикс“. Изворите велат дека тие веќе некое време се разделени.

Иако Рами и Ема често се појавуваа заедно во јавноста во последните две години, тие секогаш одбиваа да ја коментираат нивната врска. Во интервју за „Пипл“ минатата година, Корин одби да ја коментира врската, а Малек само рече дека е „фасцинантна“ и дека еднаш го изненадила со вечера за Денот на благодарноста и го воодушевила.

Двојката првпат беше видена заедно во јули 2023 година на концерт на Брус Спрингстин во Лондон, само неколку месеци откако Малек ја прекина врската со актерката Луси Бојнтон, неговата колешка од биографскиот филм за Фреди Меркјури.

Пред една година беше објавено дека парот заедно купил вила во Хемпстед за 5,8 милиони евра. Не е познато дали сѐ уште живее во куќата или имаат намера да ја продадат.