Премиерот на Албанија, Еди Рама, изрече критики кон туристите-Албанци од неговата земја, но и од регионот, како од Косово и од Македонија, нарекувајќи ги „најголеми загадувачи“ на плажите, „иако се претставуваат најпатриотски“.

Тој вели дека дека не туристите кои зборуваат англиски, шпански или италијански, туку оние кои зборуваат албански – „кои сакаат да одат во војна со Србија на стадионите“ – се најголеми загадувачи на плажите.

Премиерот додаде дека планира и забрана на музиката „талава“, која некои ја сметаат за албанска варијанта на турбофолкот, во баровите и дискотеките на плажите на албанското крајбрежје, како дел од мерките за подобрување на животната средина и на туристичката култура.

Рама летово предводеше акција на чистење на плажите во Албанија од дивоградби, кои беа уривани на целата ривиера.