Македонската ракометна федерација (РФМ) направи важен чекор кон зацврстување на меѓународните односи со работна посета на седиштето на Меѓународната ракометна федерација (ИХФ) во Базел.

Претседателот Александар Стефанов и генералниот секретар Влатко Тасевски остварија средби со претседателот на ИХФ, Хасан Мустафа, како и со други високи претставници на светската ракометна организација.

Главни теми на разговорот биле продлабочување на соработката меѓу РФМ и ИХФ, како и поднесување на официјални апликации за организација на идни светски првенства. Македонската делегација претставила и нови иницијативи за развој на младите категории, едукација на кадри и долгорочни проекти за унапредување на спортот.

Оваа посета претставува уште еден значаен чекор во настојувањата на РФМ да го позиционира македонскиот ракомет високо на меѓународната мапа и да обезбеди учество, но и домаќинство на најголемите ракометни настани.