Салата „Борис Трајковски“ беше исполнета до последното место за ракометниот спектакл помеѓу актуелните репрезентативци и македонските ракометни ветерани. Резултатот денес беше во втор план, а на крајот славеа актуелните репрезентативци со 25:21.

Првите минути донесоа изедначена игра ниту помладите, ниту постарите не успеваа да се „одлепат“, констатно предноста беше гол-два за некоја од селекциите. На полувреме се замина со нерешен резултат 12:12.

На стартот од второто полувреме видовме атракција откако цепелин реализираше Филип Лазаров на асистенција на Златко Мојсоски. Поискусните стигнаа до три гола предност 15:18. Но, во завршницата ветераните загубија здив, па помладите со една серија од 9:1 го приведоа натпреварот кон крајот победувајќи со четири гола разлика.

Како што е познато приходите од овој натпревар ќе бидат донирани во СОС Детското Село.