Ракометен спектакл во Келн: Франција е првиот финалист на ЕП 2024
Ракометната репрезентација на Франција обезбеди пласман во финалето на Европското првенство кое се одржува во Германија.
Препорачано
Французите во првото полуфинале на континенталниот шампионат во спектакуларен натпревар во „Ланксес Арената“ во Келн го совладаа актуелниот шампион Шведска по продолженијата со 34:30. По регуларните 60 минута резултатот на семафорот беше 27:27.
Инаку судии на овој меч беа Ѓорѓи Начевски и Славе Николов од Македонија. Швеѓаните подобро го отворија натпреварот, имаа гол предност до 3:4, а потоа како да „исчезнаа“ од теренот. Во тие моменти Франција направи серија од дури 7:0 и поведе со 10:4.
ELOHIM PRANDI SENDS US INTO EXTRA TIME ???#ehfeuro2024 #heretoplay #FRASWE pic.twitter.com/NJRaVdZyLc
— EHF EURO (@EHFEURO) January 26, 2024
До крајот на првото полувреме Французите со сигурна игра заминаа на пауза со „плус шест“ (17:11).
Шведска во второто полувреме направи пресврт и поведе со 25:24 на четири минути пред крајот со одлична серија. Неверојатна драма се случи во финишот, Шведска имаше позитива од 27:26, го имаше финалето во џебот, а потоа Прандин од 10 метри преку „живиот ѕид“ постигна неверојатен гол за 27:27 за спектаклот да оди во продолженија.
ELOHIM PRANDI SENDS US INTO EXTRA TIME ???#ehfeuro2024 #heretoplay #FRASWE pic.twitter.com/NJRaVdZyLc
— EHF EURO (@EHFEURO) January 26, 2024
Во продолжението Французите заиграа подобро на крилата на Дилан Нахи и на крајот славеа со 34:30. За Шведска одличен беше Феликс Клаар со девет гола, Хампус Ване постигна пет, додека Андреас Паличка собра 13 успешни интервенции на голот.
Во редовите на Франција, Хуго Дескат постигна осум гола, а голманот Самир Белахсене запиша осум одбрани. Франција по 10 години повторно ќе игра европско финале и ќе ја брка својата четврта титула.
