Ракометниот клуб Алкалоид е победник на 31 меморијален турнир „Јоже Шилц“ што се одржа во Словенија.

Вечерва во финалето на турнирот екипата предводена од тренерот Кирил Лазаров го совлада тимот на РД Рико Рибница со резултат 35:32 и го доби победничкиот пехар.

Играчот на Алкалоид, Иван Галевски беше прогласен за најдобар голман на турнирот. Претходно во рамките на овој турнир Алкалоид запиша победи и над екипите на Шкофја Лока и Слован.

Со овој натпревар е заокружена серијата на контролни натпревари на кои РК Алкалоид победи на сите седум одиграни меча.

Натпреварувачката сезона за РК Алкалоид официјално ќе почне на 31 август со гостински дуел кај бундеслигашот ТСВ Хановер Бургдорф во рамките од квалификациите за пласман во групната фаза на ЕХФ Европската лига, а првиот европски меч на домашен терен ќе го одигра седум дена подоцна во Скопје.