Македонската сениорска репрезентација за три дена ќе го има првиот натпревар на Европското првенство во рамките од групата „А“ која ќе се игра во Дебрецин, Унгарија.

Прв ривал на избраниците на селекторот Кирил Лазаров е селекцијата на Словенија на 13 јануари со почеток од 18.00 часот.

Во групата се наоѓаат и репрезентациите на Данска и Црна Гора, првопласираните две селекции од секоја група ќе се најде во следната втора фаза на континенталниот собир.

Ќе биде доста тежок патот на нашите најдобри играчи, за ривал го има актуелниот светски шампион Данска, секогаш незгодната и силна Словенија, а во Црногорците сигурно гледаме најголеми шанси за освојување на бодови.

Сите посакуваме добри резултати и победи на македонските ракометари, а на тоа секако се надева и Ракометната федерација на Македонија (РФМ).

Управниот одбор на РФМ донесе одлука да ги награди ракометарите на машката сениорска репрезентација со 50.000 евра за пласман во втората, односно главната фаза на Европското првенство.