Aктуелниот шампион на Македонија, Струга Трим Лум ги обнови договорите со едни од своите најважни фудбалери.

Марјан Радески и Сава Радиќ ја продолжија верноста кон Струга до јуни 2025 година. Повремениот репрезентативец на Македонија во Струга дојде во јануари од редовите на Пјуник и од тој момент одигра 27 натпревари и постигна десет гола.

Српскиот стопер во клубот дојде една година пред Радески, односно во јануари 2023 година од Академија Пандев (Брера Струмица) и веднаш се наметна како столб во одбраната. За Струга собра 54 натпревари во кои постигна два гола.

Во овој момент Струга е на третата позиција на табелата со 18 бода, четири помалку до Шкендија и еден од Шкупи. Но, треба да се потсети и дека стружани имаат натпревар помалку против Вардар.