Работнички и Силекс одиграа 1:1 во првиот натпревар во 20. коло од Првата фудбалска лига. Домаќинот беше подобар тим на теренот на Националната Арена „Тодор Проески“ но, во финишот од натпреварот Силекс успеа да дојде до бод.
Токму Работнички ја имаше првата можност на натпреварот, но шутот на Стојкоски го одбрани Божиновски. Потоа имаше шанса и Силекс преку Ивановски но голманот на „романтичарите“ Јанков беше сигурен.
Работнички поведе во 53.минута, со првенецот на Никола Прелчец.
Во финишот, во 80.минута, Силекс успеа да израмни преку Галевски кој од непосредна близина ја затресе мрежата на Јанков.

Работнички со ремито дојде до 28 бода за петто место на табелата, додека Силекс има 23 бода на осмото место на табелата.
Фото: ФК Работнички