Рускиот претседател Владимир Путин изјави дека Русија има „доволно залихи“ на касетни бомби и дека Москва го задржува правото да ги користи доколку таква муниција се користи против руските сили во Украина.

Во интервју за државната телевизија, чии делови беа објавени денеска, Путин рече: „Се разбира, доколку се искористат против нас, го задржуваме правото да преземеме реципрочни мерки“.

Тој додаде дека Русија сè уште не употребила такво оружје и покрај „извесниот недостаток на муниција“. Украина доби касетни бомби од САД, муниција забранета во повеќе од 100 земји. Киев се обврза да ги користи само за ослободување на окупираните територии.