Рускиот претседател Владимир Путин соопшти дека повеќе од 3,2 милиони луѓе добиле руски пасоши во украинските региони под контрола на Русија.

„Повеќе од 3.200.000 жители на Доњецката и Луганската народна република, Запорожје и Херсонските региони добија пасоши како државјани на Руската Федерација“, рече Путин на состанокот со полициските службеници во Москва.

Путин, исто така, ги повика властите да се погрижат луѓето кои бараат руско државјанство да ги почитуваат вредностите на земјата.

„Принципот е дека само оние кои ги почитуваат нашите традиции, јазик, култура и историја можат да дојдат и да живеат и работат во Русија“, рече Путин. „Овој принцип мора да биде одлучувачки“, додаде тој.

Војната во Украина влезе во третата година од целосната инвазија на Русија. Москва бележи напредок на фронтот, но најголем дел од нивниот успех се должи пред се на недостигот на муниција со кој се соочува украинската војска пред се поради блокадата на американската помош во Конгресот од страна на републиканците.

Бундесверот итно испраќа 10.000 артилериски гранати во Украина