Рускиот претседател Владимир Путин денес изјави дека Обединетите Арапски Емирати се една од можните локации за неговата најавена средба со американскиот претседател Доналд Трамп, но дека сè уште не е донесена никаква одлука.

Тој истакна дека двете страни покажале интерес за самитот на Русија и Соединетите Американски Држави, додавајќи дека Русија има многу пријатели подготвени да помогнат во организирањето на неговата средба со Трамп.

Путин рече дека не е против средба со украинскиот претседател Володимир Зелниски, велејќи дека таква средба е можна, но и дека мора да се создадат услови за таква средба.

„Веќе многу пати реков дека генерално немам ништо против тоа, можно е“, истакна Путин, пренесува РИА Новости.

„Но, за да се случи тоа, мора да се создадат одредени услови. За жал, сè уште сме далеку од создавање такви услови“, рече тој.