Режисерот Емир Кустурица го прослави 70-тиот роденден на Меќавник, а честитка пристигнала и од рускиот претседател Владимир Путин, кој му испратил и подарок. Рускиот патријарх Кирил го одликувал Кустурица за неговиот 70-ти роденден, објавија медиумите.

Путин во својата честитка навел дека Кустурица е човек со храбар, повеќестран талент и вистински уметник.

„Со право се стекнавте со слава како еден од најпознатите филмски режисери на нашето време, се афирмиравте како баран актер, музичар и писател, автор на нешаблонски креативни проекти“, пишува во честитката на Путин, пренесува Срна.

Путин истакнал дека Кустурица со своите талентирани дела се впишал во блескавата страница во историјата на светската уметност.

„Особено би ја истакнал вашата активна општествена положба и вашиот огромен придонес во реализацијата на значајните иницијативи во хуманитарната сфера насочени кон зајакнување на довербата и меѓусебното разбирање меѓу народите. Ви посакувам здравје, инспирација и нови успеси“, се наведува во честитката.

Покрај честитките на Путин, на Кустурица му бил врачен и подарок во вид на керамички барелјеф наречен „Прозорец на Исток“, пренесува Спутник.

На подарокот пишувало „Подарок за Емир Кустурица од Рускиот дом во Белград и руската амбасада во Србија“, додека честитката на Путин гласно била прочитана пред насобраните.

Кустурица се заблагодарил за подарокот и најавил дека наскоро ќе оди во Москва да работи на филмот за Достоевски, па тогаш и лично ќе му се заблагодари на Путин.

„Сето ова што се случува сега во светот и во Европа, го предвиде Фјодор Михајлович и ни рече дека мора да размислуваме, да се држиме заедно и повеќе да ги поврзуваме нашите култури. Ќе направам сè што е во моја моќ нашите две култури да станат уште поблиски“, рекол Кустурица.

Рускиот патријарх Кирил го одликувал Кустурица со Орден на Свети Серафим Саровски.

На Кустурица роденденот му го честитал и претседателот на Белорусија, Александар Лукашенко, кој го истакнал неговиот сестран актерски и режисерски талент, отелотворен во десетици филмови.

Кустурица ќе снима филм за Путин: Русија спроведува „историска праведност“

Кустурица во одбрана на Путин и агресијата: Војната во Украина е војна против православјето