Рускиот претседател Владимир Путин денеска испрати телеграма со сочувство до турскиот претседател Реџеп Таип Ердоган во врска со бомбашкиот напад во Истанбул.

Во телеграмата Путин ја повтори подготвеноста на Русија да се вклучи во најтесна соработка со Турција во борбата против сите форми на тероризам, објавено е на веб-страницата на Кремљ, пренесе ТАСС.

Шест лица загинаа во неделата во терористички напад на главната шопинг улица во Истанбул, а полицијата приведе 46 лица, меѓу кои и Сиријката Ахлам Албашир, која е осомничена дека поставила бомба. Турција ги обвини курдските екстремисти за нападот.