Три лица се повредени во пукотница на Тајмс Сквер во Њујорк, јавува Асошиејтед Прес, повикувајќи се на полицијата во градот. Едно лице е приведено и испрашувано поради инцидентот, јавува американската агенција, а пренесува Индекс.хр.

Пукањето се случило околу 1:20 часот наутро во една од најпопуларните туристички дестинации во Њујорк. Засега нема повеќе детали за тоа што точно се случило, а полицијата во Њујорк сè уште не одговорила на барањето на Ројтерс.

Њујорк Тајмс пишува дека повредените, 19-годишен маж и 65-годишен маж, биле застрелани во нозете, а на 18-годишна девојка и бил повреден вратот. . Портпаролката на полицијата објави дека нивните животи не се во опасност.

Пукањето се случува за време на изборната кампања за градоначалник на Њујорк во која борбата против криминалот е една од клучните теми.