Шеснаесет годишно момче од кичевското село Стрелци е рането од куршум за време на веселба во двор од семејна куќа.

Според иформациите, приведени се двајца кичевчани од кои едниот пукал со пиштол на веселбата и по одбивање на куршумот од подот го ранил малолетникот, кој итно бил однесен во Општата болница во Кичево.

„На 22.07.2025 во 02.30 часот, полициски службеници од ОВР Кичево ги лишија од слобода Ф.Ф.(36) и Ч.Ф.(52), двајцата од кичевското село Трапчин Дол. При семејна веселба во дворот од семејната куќа, Ф.Ф. од пиштол испукал неколку куршуми, кои по одбивање од подот, повредиле 16-годишно момче од селото Стрелци, кое било пренесено во Општа болница во Кичево“, соопшти ОВР Кичево.

Увид на местото извршиле полициски екипи и по целосно документирање на настанот, ОВР Кичево ќе поднесе соодветни пријави.