Францускиот ракометар на ПСЖ, Никола Карабатиќ, ќе мора да паузира три месеци, што значи дека актуелната сезона за него е завршена, објави клубот на својата официјална веб-страница.

Најтрофејниот ракометар во историјата, Никола Карабатиќ, има проблеми со флебитис, односно воспаление на површните вени на десната нога, соопшти ПСЖ.

Отсуството на Карабатиќ ќе биде голем хендикеп за тимот на Раул Гонзалез, ПСЖ кој и сезонава е еден од кандидатите да игра на завршниот турнир од Лигата на шампионите во Келн, а искусниот плејмејкер нема да биде таму во борбата за титулата во Франција.

Карабатиќ го освои сребрениот медал со Франција на неодамна завршеното Светско првенство во ракомет. Се случи францускиот ас да пропушти неколку натпревари на Мундијалот, односно да не игра во текот на целиот меч.

По деталните прегледи по СП, утврдено е дека Карабатиќ поради повреда ќе го пропушти остатокот од сезоната, односно порано да ги заврши сите натпреварувања во кои настапува ПСЖ. Карабатиќ неодамна го продолжи договорот со клубот на уште една година.